Adaspas úshin…

Baýyrjan  Momyshuly

– Maǵan baıaǵyda bir stýdent. «Siz kimnen ónege alasyz ?» – dep suraq qoıǵanda, «Men qorqaqtardan, qańǵybastardan, maskúnemderden, ómirde qatelesken, joly bolmaǵan jandar-dan ónege alam»
– dep jaýap bergem. Álgi stýdent tań qalyp:
– Munyńyz qalaı? Ónegeni jaqsy adamdardan alý kerek emes pe ? – dedi qaıta suraq berip.
– Qorqaqtar da, qańǵy-bastar men maskúnemder de dúnıege men sıaqty, sen sıaqty pák kúıinde kelgen. Keıin olar ómirdiń qıyn-shylyǵymen kúrese almady. Sodan tasqa soǵylǵan shólmekke uqsap byt – shyty shyqty. «Jaqsylyq aǵash basynda, jamandyq aıaq astynda» degen qazaqta ataly sóz bar. Eń ońaı nárse – jamandyq, oǵan jetý úshin kóp oılanýdyń, kóp kúsh jumsaýdyń qajeti shamaly. Jaman jolǵa túsý de ońaı. Olar sol ońaı jolmen ketti. Men adaspas úshin olardyń qatelikterinen de ónege alam.

«Men – halqymnyń Baýyrjanymyn» kitabynan

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.