Indoneziаǵa elikteimiz dep júrip kýbalyqtarǵa uqsap ketkenbiz

Vılgelm Fols atty jazýshynyń “Sýmatranyń jan baspaǵan ormanynda” atty ocherkinen mynadaı sózderdi keziktirip, óz qazaǵym esime eriksiz oraldy. Avtordyń kitabynda Sýmatranyń ný ormandaryn mekendeıtin kýbý atty shaǵyn taıpanyń ómir daǵdylary baıandalǵan. Olardyń áli kúnge deıin qaýymdyq ómirden shyǵa almaýy, biz tanki men telefonnyń, televızor men magnıtafonnyń zamanynda ómir súrip jatqanda bul halyq jabaıy jemisterdi jınap, kúndelikti taǵamyn qarny ashqan kezinde izdeıtin kórinedi. Árıne bul keltirilgen úzindilerde bizdiń jurtymyz mundaı deńgeıde emes, biraq uqsas qylyqtary, ǵylym men bilimge kelgende salǵyrt qaraýy, biraq óziniń utylysy sonda jatqanyn túsinbeı júrgendikten osyndaı kúıge túskenin jetkizgim keldi.
«Kýbýlyqtar (Indonezıada mekendeıtin taıpa) kóbinese kóshpeli ómir súredi. Ormandaǵy pisken jemisti izdep, óz aımaǵyn tynymsyz kezedi eken. Olar barlyq ýaqyty men kúshin tamaq izdeýge arnaıdy».
Biz kóp ýaqytymyzdy kúıbeń tirshilikpen, qaryn men uıqynyń esebin túgendep júrip kúnimizdiń qalaı ótip jatqanyn ańǵarmaımyz. Bizde ómirden rahat alý, bos ýaqyt, jeke ómir men zamanaýı ǵylymǵa qaraılaýǵa ýaqytymyz tym az. Kún uzaq bizdiń maqsatymyz qalaı da talǵajaý etetin tamaq tabý, turaqty jumystan aıyrylyp qalmaý, áıteýir ash qalmaýdyń qamyn kúıtteý.
«Qustardyń uıasyndaǵy jas balapandardy alatyn kezderi de bolady. Qajetti qarýlary bolmaǵandyqtan, ań men balyq aýlaý kýbýlyqtardyń turmysynda óte úlken ról atqarmaıdy. Qaryndaryn toıdyrý úshin olarǵa uzaq ta qajyrly túrde azyq – túlik terýmen aınalysý qajet. Eger taǵamdyq dúnıe kóp bolsa, ony taýysqansha, ábden toıǵansha jeıdi. Biraq ash uıyqtaıtyn kezderi de jıi bolyp turady».
Biz qajetti bilim men zamanaýı quraldardy jetik bilmegendikten olar bizdiń ómirimizde aıtarlyqtaı mańyzǵa ıe emes /bul jerde zamanaýı tehnıka degenimiz Facebook, You Tube nemese Google emes/. Eger bizde qazba baılyqtar, jer asty munaıymyz kóp bolsa biz ony qashan taýysqansha paıdalanamyz. Biraq keıde naryqta onyń quny kók tıyn bolyp qalǵanda aýyr daǵdarysqa túsetin kezderimiz de jıi bolyp turady.
«Kýbýlyqtar áli birneshe banan men búldirgen saqtap qoıýǵa bolady degen oıǵa jetken joq. Olar qarnyn toıdyrýǵa qajetti mólsherde ǵana teredi. Tergenderiniń barlyǵyn jep taýysady».
Bizge jer astyndaǵy baılyǵymyzdy, tabıǵattyń syıyn keler urpaqtarǵa saqtap qoıý kerek, olar da onyń rahatyn kórýi tıis degen oı mıymyzǵa áli jetken joq. Biz óz qulqynymyzdy qashan toıdyrǵansha tynym tappaımyz. О́ndirgen dúnıelerimizdiń barlyǵyn taýsylǵansha paıdalanyp tastaımyz. Sebebi az nárseni saqtaý, ózge amaldaryn qarastyrý, ilim men ǵylymǵa bet burý degen dúnıeler mıymyzda áli kúnge deıin ornyqpaǵan.

R.Ramazanuly

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.