• Руханият
  • 20 Мамыр, 2022

СЕН ҮШІН БӘРІ, ЖАС ҰРПАҚ

МЕКТЕП ОҚУШЫЛАРЫНА АРНАЛҒАН  «ҰЛАҒАТТЫ ҰРПАҚ» МӘДЕНИ-БІЛІМ БЕРУ ПОРТАЛЫ ЖАҢА БЕЙНЕ-САБАҚТАРМЕН ТОЛЫҚТЫ

«Ұлағатты ұрпақ» мәдени-білім беру жобасы Қазақстан Республикасының Мәдениет және спорт министрлігінің ұйымдастыруы-мен 2020 жылғы қазан айында іске қосылған. Сол уақыттан бері оқушыларға  madeni-m.kz сайтында  музыкалық өнер, театр өнері, киноматография, бейнелеу өнері және Қасиетті Қазақстан атты 5 бағыт бойынша қазақ және орыс тіліндегі бейне-дәрістерге еркін қол жеткізуге мүмкіндік берілген.

Әрбір бейне-дәріс ұзақтығы 10-15 минуттан тұратын ыңғайлы қысқаша онлайн-форматта 1-11 сыныптарының оқушылары үшін әзірленген.

Жобаның мақсаты – бәсекеге қабілетті қазақстандық оқушылардың мәдени-адамгершілік қасиеттерін дамыту. Балалар мен жастарды көркем мәдениет пен өнерді зерттеуге қызықтыру, талабын ояту. Оқушыларды ұлттық мәдени құндылықтарды игеруге ынталандыру және өскелең ұрпақты мәдени жетілдіру.

2021-2022 оқу жылының III тоқсанында «Ұлы тұлғалар. Мерейтойлық күнтізбе» – «Великие личности. Календарь знаменательных и юбилейных дат» жаңа бағыты бойынша бейне дәрістер порталға енгізілді. Бұл бағытта оқушылар үшін еліміздің дамуына зор үлес қосқан көрнекті тұлғалардың айтулы және мерейтойлық күндеріне арналған бейнесабақтар бар.

Сонымен қатар, қыш, киіз, қолданбалы өнер, зергерлік бұйымдар жасау бойынша шеберлік сыныптары да порталдан орын алған.

Жыл басынан бастап ҚР Мәдениет және спорт министрлігінің ведомстволық бағынысты ұйымдары қызметкерлерінің, шығармашылық жоғары оқу орындарының профессор-оқытушылық құрамының қатысуымен сабақтардың бейнетүсірілімі өтуде.

Жобаға Қазақстанның Халық артисі Гаухар Мырзабекова, Қазақстанның еңбек сіңірген қайраткерлері Болат Әбділманов, Толқын Зәбирова, Әділ Ахметов,  Қазақстан киносыншылары ассоциациясының президенті Гаухар Әбікеева, профессор, Қазақстанның суретшілер одағының мүшесі Ольга Батурина және мәдениет пен өнердің басқа да өкілдері қатысқан.

Президент 2022 жылды – балалар жылы деп жариялады. Қасым-Жомарт Тоқаев өз сөзінде балалардың үйлесімді дамуы мен бақытты балалық шағы – біздің жалпыұлттық міндетіміз, – деп баса айтты.Мәнді мәдениет пен өнегелі өнерді бойына сіңірген жас ұрпақты тәрбиелеуде бұл жобаның берері мол.

Жоба жаңа білімге құмар жас ұрпаққа бағдар береді, еліміздің сенімді азаматтарын тәрбиелеуге көмегін тигізеді және жігерлі жас жүректерді жаулап алады деген сенімдеміз!

«Ұлағатты ұрпақ» – бұл мектеп оқушыларының  еліміздің мәдени кеңістігінде белсенді түрде тереңнен мәдени білім алуының жаңа форматы.

Құрметті  жас  дос! «Ұлағатты ұрпақ» мәдени-білім беру порталына кіріп, үйден шықпай-ақ Қазақстанның қасиетті жерлеріне виртуалды түрде саяхаттап, опера, балет, драма өнерінің озық үлгілерін көріп, қазақстандық және шетел кинофильмдері мен мультфильмдерін тамашалап, әсем музыкалық шығармаларды тыңдап өзіңізді мәдени біліммен дамытыңыз, рухани жетіліңіз.

«Ұлағатты ұрпақ» мәдени-білім беру порталының сайты

https://madeni-m.kz/ru

2644 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

URKER №6

30 Маусым, 2022

Жүктеу (PDF)

Редактор блогы

Жаңабек ШАҒАТАЕВ

«Үркер» журналының Бас редакторы