• Білім-ғылым
  • 14 Қараша, 2014

Ислам СӘРСЕНБЕК – тума талант

Құдайға шүкір, білімді жігерлі, мәдениетті жас өркендеріміздің қатары жыл санап көбейіп келеді. Сондай өнерпаздардың бірі Алматы қаласындағы Ғабит Мүсірепов атындағы №86 мектеп-гимназиясының 11-сынып оқушысы Ислам Сәрсенбек деуге толық негіз бар. 

-Төрт жасынан бастап домбыраға әуес болды. Ұлттық аспаптың саусағымен шертіп бізді таң қалдыратын,-дейді анасы Гүлстан, өткен шақты ерекше ықыласпен еске алып.

Таяуда білім ұясында жас таланттың шығармашылық кеші өтті. А.Жұбанов атындағы өнер мектебінің қобызшылары, №2 Оқушылар үйіндегі домбыра оркестрінің жетекшісі Тасқын Әлімбайдың шәкірттері, Олимпиадалық комитет төрағасының орынбасары Анатөлі Құлназарұлы, барабаншы Мақсат Жүсіпәлі, «Керуен» ансамблі және тағы басқа өнерпаз қатысқан басқосуда көпшілік Исламға ақ жол тіледі, өнеріне сүйсінді.

Бастауыш сыныпта жүргенде-ақ талай байқауларға қатысқан Исламбек өсе келе аудандық, қалалық. Республикалық өнер жарыстарында бәйгені бермеді. Дәулескер күйші Айгүл Иманбаеваның мектебінен тәлім алды. 2008 жылы Тайландта, Индонезияда өткен бүкіләлемдік өнер фестивалінде лауреат атанды. Ал, 2011 жылы Израильде болған әлем халықтары шығармашылықтарына арналған байқауда аспапта ойнау бойынша бас жүлдені жеңіп алды. 2012 жылы Испанияда, Францияда өткен бүкіләлемдік балалар мен жасөспірімдер байқауының жүлдегері атанды. Осылайша көптеген шет елдерде қазақтың қара домбырасының құдіретті әуен төге алатынын көрсете білді. Ислам Сәрсенбектің домбыра шертуіне сөйтіп әлем халықтары сүйсінді.

-Он саусағынан күй төгілген осындай шәкіртіміздің бар болғанына мақтанамыз,-деді мектеп-гимназия директорының ғылыми-әдістемелік істер жөніндегі орынбасары Гүлзира Молдабайқызы.

Ендеше, іске сәт, Ислам! Өнерің өрге жүзсін! Еліміздің бағына туған баланың болашағы жарқын болғай!

Салтанат ҚАЖЫКЕН 

 

138 рет

көрсетілді

2

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

асыл

14 Тамыз, 2020

Өнерің өрлей берсін, Ислам! Қазақтың күйін күмбірлетіп, бүкіл әлемге таныта бер деген тілек қосамыз.

Батыр Рустембек

14 Тамыз, 2020

21-ші ғасыр Толғауы (САТИРА - ӘЗІЛ) Мидың орнына компьютер қосып, Сөйлеспей тек желілерге ғана кіреміз, Қауышу орнына смайлик тосып, Табиғатты теледидардан ғана көреміз... Мониторлар, мониторлар, мониторлар! Ақпарат мұхиты, Ғалам Тор теңізі... Соткакүнемдер, планшетбастар, айфонқорлар! "Цифровой" ғасыр - электроника жеңісі!!! Достар орнына - суреттері жансыз, Қыдырмай тек сайттарда ғана жүреміз, Махаббат емес - виртуалдық мәнсіз, Сотканы еш тастамай өмір сүреміз... Мониторлар, мониторлар, мониторлар! Құмарлық та өзі, бос уақыт та өзі... Қағаз кітаптар, аула ойындар, мектеп борлар - "Устарелый" енді - тек көненің көзі! Әже тәлімін мультфильмдер басып, Тойларда тек туысқанды танып, білеміз, Адам санынан сотка он есе асып, Кісіге емес, жарнамаға сеніп, ереміз... Мониторлар, мониторлар, мониторлар! Ақпарат мұхиты, Ғалам Тор теңізі... Соткакүнемдер, планшетбастар, айфонқорлар! "Цифровой" ғасыр - электроника жеңісі!!!

URKER №9

28 Қыркүйек, 2021

Жүктеу (PDF)

Редактор блогы

Жаңабек ШАҒАТАЕВ

«Үркер» журналының Бас редакторы