• Cұхбаттар
  • 19 Наурыз, 2019

Наурызды қанша күн, қалай тойлаған дұрыс?

Барша ағайынға әз Наурыз құтты болсын дейміз! Киім жеңілденіп өзіміз көңілденіп, табиғат-ана мейірленіп, бәйшешек гүлдеген осынау таңғажайып мезгілге дөп келген мереке қарсаңында осындай сауал қоюды жөн көрдік. Өйткені Наурыз – мерекелердің төресі болуы тиіс деген ниет дала халқының тамырында қай кезде де қанымен қоса бүлкілдеп жататыны ақиқат. Ендеше, мархабат, оқи отырыңыздар.

Тоқтарәлі Таңжарық: Үш күн, үш түн. Айгүл Жұмаділ: 1 қаңтардағы жаңа жылды бір ай бұрын күтеміз ғой, қаланы да, даланы да, шыршасы бар, басқасы бар безендіріп, Наурызды да солай бір ай тойласақ несі айып?!. Гүл Зарқұмар: Тоғыз күн тойлау керек! Абылайхан Қуанышев: Әр адам өз рухына сай тойласа жарасар еді. Неге десеңіз қалыпқа сияр мереке деуге келмес. Айгүл Болатханқызы: Үйінде нау-рыз көже пісірмейтіндерге бәрбір, жексенбі 22 наурызға түсіп тұр ма, бірдеңеден құр қалғандай жұма күні 19-20-сында наурыз тойлай салады. Осыны істейтін өзіміздің қазақтар! Өз мерекесенің мәнін білмейтіндер көп. Наурыз – шаруа, көңіл, еңбек, тазалық мейрамы. Соның бірін де істемей, көшеден қарын тойдырғанға мәз. Наурызда өз басым ескірген затты жаңартып, сынғанын тастап, айналаны түгел тазалап, жаңа киім алып, жақындарыма сыйлық ұсынып, 21-інен 22-сіне қараған түні түн күзетіп, көжемді салып, ең кемі 10 адамға көжемнен дәм татырам. Сол бір күнмен шектелмей 22 сәуірге дейін 2-3 рет наурыз көже пісіріледі біздікінде. Өмір Есқали: 14 наурызда Маңғыстауда Отпан тауда басталады. Оны бүкіл өңір бойынша жалғастырып әкету керек. Белгілі саясаткер Серік Ерғали ұлттық нақышта тамаша сценарийді жылда ұсынады. Бірден-бір үлгі сол. 3 күн аз. Тұрсын Қалимова: Біз жақта Жаңа жыл 14 наурызда көрісіп, қауышудан басталып, келер жылдың наурызына дейін жалғаса береді. Айттағы секілді, наурыз бойы үйден ағайын-тума, алыс-жуықтағы ағайындар келіп, мәре-сәре боламыз. Бізге олар, оларға біз барып дегендей. Анар Жұмабаева: 14-22 наурыз аралығы дұрыс-ау... Асыл Адам: Наурыз дегеніміз аты ғана емес, ол – жыл басы. Наурыз дегеніміз – қанаттылардың оралуы, Қыдыр атаның келуі, жетпегеніңе жету, өтпегеніңнен өту, өкпелегеніңе кешірім ету, етігіңді шеш, тоныңды таста, өзіңді және өзгені жылылыққа баста деген сөз. Сәбит Қамысбай: Асқар Мырзахметов Оңтүстікті басқарып тұрғанда тамаша үлгісін көрсетті ғой, сол жақсы дәстүрді неге жалғастырмаймыз? Бір күн ауланы, айналаны тазалау, бір күн тал-терек егу т.б. Маңғыстауда 14-ші Наурыздан бастап көрісу деген жақсы дәстүр бар, айларға созылады. Тіпті жарасымды дәстүр! Дәмелі Қуанышқызы: Атырауда 14-нен бастап көрісу, сол күнді асыға күтеміз. Тойдың көкесі ғой көрісу! Мұратхан Орынтайұлы: Наурыз шыға тойлай беру керек шығар, көрші-қолаң, туыс-туған бір-бірін наурыз көжеге шақырып... Тұрсын Қалимова: 14 наурыздан бастап аталып өткені дұрыс. Әлімжан Өтегенов: Бізде соңғы жылдары дәстүрге айналған мынандай тәсіл бар – жаңадан көшіп келген көршілер жиналып, арнайы үлкен казанға наурыз көже, қосымша палау жасалынып, кеш батқанша түрлі ойындар ойнап, ән айтылып, арқа-жарқа боламыз. Шәмшия Жұбатова: Ертеректе бір ай бойы тойлап, сонша уақыт көже пісіретінбіз. Мұса Тұрсынәлі: Астанада жеті күн, жеті түн тойлаймын!.. Біз көнеден қалған соңғы ұрпақ сияқтымыз... Үйде, саяжайда, қонақүйде, кемпірінен ажырасқан шалдың үйінде, ауыл-дағы кемпірі жоқ қарттың үйінде, əлі үйленбей жүрген шəкірттің жатағында... Əйтеуір наурыз көже мол болуы керек. Алма Құрманбаева: Күнде-күнде тойдан да жалығып кетесің ғой. Дұрыс сценарий жазып тойлау керек. Жындыға күнде той етіп берекесін қашырудың қажеті жоқ. Ләззәт Оңғар: Бір күн. 22 наурызда. Нау-рыз көже пісіріп, қонақ шақырған дұрыс. Айналаны тазартып, жасыл желекке көңіл бөлген жөн. Менің ойымша, балаларға, үлкен кісілерге сыйлық жасаған да дұрыс. Бақыт Қапалбаев: Бір ай дұрыс, көже беріледі, ағаш отырғызылады, тазалық жасау керек. Редакциядан: Байқасақ әркімнің пікірі әр түрлі. Ең бастысы – ел тыныш, жер аманда еңсеміз биік болсын! Шаңырақтарыңызға Қыдыр дарысын!

24 рет

көрсетілді

0

пікір
Алдыңғы мақала ЖАЗУШЫНЫҢ КӨЗ ЖАСЫ
Келесі мақала ҚАЗАҚ КИНОСЫНЫҢ АНАСЫ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

ҮРКЕР №10

30 Қазан, 2020

Жүктеу (PDF)

Редактор блогы

Жаңабек ШАҒАТАЕВ

«Үркер» журналының Бас редакторы