Басшылық

Kuanduk TumenbaiБас редактор
Қуандық Ералыұлы Түменбаев
 Түменбаев Қуандық Ералыұлы 1955 жылғы 22 тамызда Қызылорда облысы, Шиелі ауданы, Ы.Жақаев атындағы ауылда дүниеге келді. 1961 жылы «Қызылту» орта мектебінің 1 класына барды. 1972ж. ҚазҰУ-дың журналистика факультетіне түсіп, 1977ж. бітірді. 1977-79ж. аралығында «Лениншіл жас» газетінде тілші, 1979-80ж. аралығында «Жалын» баспасында редактор, 1980-84ж. аралығында Алматы облыстық «Жетісу» газетінде тілші, 1984-89ж. аралығында «Жұлдыз» журналының бөлім меңгерушісі, 1989-91ж. аралығында Горький атындағы Мәскеу әдебиет институтында тыңдаушы, 1991-92ж. «Алматы ақшамы»  газеті  бас редакторының орынбасары, 1992-96 ж. Баспасөз және бұқаралық ақпарат министрінің жетекші маманы, Бас редакторы, 1996-98ж. «Қазақстан» баспасының бас редакторы, 1998-2003ж. аралығында шығармашылық жұмыста, 2003ж.  «Ақиқат»  журналының бөлім редакторы болды.
2008 жылдан бері «Үркер» жастардың әдеби-мәдени, қоғамдық-саяси журналында бас редактор қызметін атқарды.
1988ж. бері ҚССР Жазушылар, 2004 жылдан Қазақстан Жазушылар Одағының мүшесі. Жас жазушылардың 1989 ж. Бүкілодақтың Москва кеңесіне қатысты. Шығармаларым араб, орыс, неміс, өзбек, ұйғыр,  қарақалпақ тілдеріне аудырылған. Бірнеше әдеби конкурстардың, халықаралық Алаш сыйлығының лауреаты.
2010 жылы «Қазақстан мәдениет қайраткері» белгісімен марапатталған.

Жарас СәрсекЖарас Сәрсек 1968 жылы Алматы облысы, Ұйғыр ауданына қарасты Сүмбе ауылында туған. 1986-1988 жылдары Германияда әскери борышын өтеген. 1990-1995 жылдары Әл-Фараби атындағы Қазақ ұлттық университетінің журналистика факультетінде оқыған. 1996-2000 жылдары республикалық «Парасат» журналында редактор, аға редактор, бөлім бастығы болып қызмет істеген. 2000-2001 жылдары «Жетісу» газетінде, 2001-2003 жылдары Қазақстан Жазушылар одағында әдеби кеңесші. 2003-2005 жылдары «Әдебиет айдыны» газетінде бас редактордың бірінші орынбасары болып қызмет істеген. 2005-2008 жылдары – «Заң» газетінде бас редактордың орынбасары болып қызмет істеген. Қазақстан Жазушылар одағының басқарма мүшесі.
«Керуен көшіп барады», «Жүрегімнің ішінде жүрегім», «Қастерлім», «Түнемел» атты жыр жинақтарының авторы. Өлеңдері «Толқыннан толқын туады», «Жас ақындар антологиясы», «Мәртебелі поэзия» сияқты он шақты ұжымдық жинаққа енген.
Республикалық жыр мүшәйраларының жүлдегері. «Қастерлім» жыр жинағы үшін 2008 жылы Халықаралық «Алаш» әдеби сыйлығын алған. 2007 жылғы – Македония Республикасында өткен дүниежүзілік түркі ақындары фестивалінің лауреаты.
Екі мәрте Президент сыйлығының иегері. Бүгінде Республикалық «Үркер» журналында қызмет атқарады.
2011 жылы «Тәуелсіздікке 20 жыл», 2012 жылы «Ерен еңбегі үшін» медалдарымен марапатталған.