Қай жерде мейлі, қай елде…

Қазақ жастары қай жерде, қай елде, қай мекенде жүрмесін өздерінің ана тілін, дінің, ділін, нанымын ұмытқан емес және ұмытпайды. Себебі олардың айқын арманы, қояр мұраты нық. Біз жаһандануға қабілетті жастар еліміздің ертеңі үшін сүбелі білімді бойымызға жинап, ойымызға азық етуіміз абзал. Осыған орай ана тілімізбен қоса көптілділікті басты назарға қоя отырып, шет елдегі білім ошақтарынан, профессор-оқытушылардың дәрістерін алуымыз міндет. Осыған орай Б.Б. Городикова атындағы Қалмақ мемлекеттік университетіне академиялық ұтқырлық бағдарламасы бойынша бір семестрлік оқуға Элиста қаласына М.Өтемісов атындағы Батыс Қазақстан мемлекеттік университетінен Шүкірғалиева Жанерке, Рысқалиева Эльвира және мен үшеуіміз университет атынан бардық. Өте жоғары деңгейде қарсы алды. Көне қалада көне іздер, көне тарих қаланған. Әрине, білім беруден алдыңғы қатарда. Ғылыми кітапханасының өзі атшаптырым аумақты қамтиды. Мұндағы кітап қоры өте шексіз. Ғылым айдынын қопарғың келе береді. Қаншама ғалымның қаншама еңбектері сақтаулы десеңші?! Білім беруде жаңашылдықты және жаңа әдістерді қолданатыны өте қатты қуантты. Сол мақсатта қазақ жастары Елбасымыздың жыл сайынғы халыққа жолдауын насихаттау мақсатында арнайы дөңгелек үстел ұйымдастырды. Мұндағы негізгі ұстаным жастарды әлем алды жаһандық қабілетке ие қылдырып, ғылым, ілім, инновация жолында әрмен қарай рухтандыру болып табылады. Баяндамалар оқылып, жастардың ойлары ортаға салынды.Қазақстанның Бірінші жаңғыруы бәріміздің есімізде. 25 жыл бұрын КСРО-ның қирандысынан шығып, өз жолымызды қалай бастағанымыз жадымызда. Сол кезде біздің буын іргетасынан бастап қолға алып, әлем картасында болмаған жаңа мемлекет құрды.Жоспарлы экономикадан нарықтық экономикаға көшу жүзеге асырылды. Қазақстан бұл кезеңде аз шығын шығарып, зор жетістіктерге қол жеткізді.Екінші жаңғыру «Қазақстан – 2030» стратегиясының қабылдануымен және жаңа елорда – Астананың салынуымен басталды. Оның нәтижелі болғаны дау тудырмайды. Еліміз экономикалық тұрғыдан артта қалған аймақтан шығып, әлемдегі экономикасы бәсекеге қабілетті 50 мемлекеттің қатарына кірді.Табысты өткен екі жаңғыру арқылы баға жетпес тәжірибе жинақтадық. Біз енді алға батыл қадам басып, Үшінші жаңғыруды бастауға тиіспіз.Бұл жаңғыру – қазіргі жаһандық сын қатерлермен күрес жоспары емес, болашаққа, «Қазақстан – 2050» Стратегиясы мақсаттарына бастайтын сенімді көпір болмақ.Біздің заңнамамызды жаңа жағдайға бейімдеу керек.Коммуникацияның дамуы мен оптикалық-талшықты инфрақұрылымға жаппай қолжетімділікті де қамтамасыз ету керек. Цифрлық индустрияны дамыту басқа барлық салаларға серпін береді. Еліміздің мүддесі үшін аянбай адал еңбек етіп, келешек ұрпақ біздер саналы біліммен қаруланайық. Білім қуып елімізден тысқары жүру арқылы жерге деген патриоттық махаббатымызды еш жойған емеспіз. Тәуелсіздігіміздің берекесі ынтымақта болғай…
Аида Хасанова,
М.Өтемісов атындағы БҚМУ
3 курс студенті

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.

error: Content is protected !!